大眾口味

誠如每一間傳媒所遇到既問題: 究竟迎合大眾口味, 以求消路? 或是堅持方向, 但求遇上知音? 但不幸地, 有句古老格言 -- 千金易得, 知音難求, 如實地反映現實. 在金錢掛帥的社會, 感覺到情況一面倒, 只有大眾口味, 才能得以生存. (現代經濟學001 : 市場經濟不一定行得通, 須要政府介入)

個人有感做人都一樣, 和同事閒談, 講的是公事, 和朋友聚餐, 多數講如何掘金, 萬一"忘形"講出自己既事, 自己既興趣, 氣氛突然急降, 變成獨白. 不禁自問, 係話題實在悶, 定或是沒興趣?? 我是半個科學人, 所想所諗, 難免科學化, 但我並沒有對科學以外既事物, 有排斥反應, 仍然抱有極大既熱情, 樂於參與任何討論 (只要有討論既話), 大概因為喜歡思考吧, 大概我還未有經濟壓力吧, 不至於無時無刻, 錢不離心.

不知係別人功利, 或是我自己以自我為中心, 只講自己有興趣既話題. 又或是自己未成長, 總覺得身邊的朋友, 仍然可以無所不談. 什想到他們已大個了, 對現實有所體會, 急於經濟自由. 漸漸發覺朋友一一遠去, 自己卻仍在夢幻既想像中, 迷失掉.... 有感這現況, 迫使有所思考, 調整 : 究竟迎合大眾口味, 以求交友? 或是堅持方向, 但求遇上知音? 能否兩者兼得??實在迷茫.