超時工作

我雖然唔係返工, 但每當聽見朋友說, 工作時, 超時冇補水, 都會覺得忿忿不平. 有時就算準時做晒個日要完成既工作, 仍然要OT.

fine, 如果遲到係可以既話.... (公平原則丫嗎)

工作本身, 就是沒完沒了, 一件永遠接著另一件, 所以, 先會有工作時間, 確保生命不只是花在工作上. 不幸的是, 簽約時, 明明寫住放5:30pm, 又寫住超時有補水, 但事實是, 每日過左5:30pm, 就係度做義工.

結論係. d 老闆/經理/上司 係冇人性. 刻薄成家. 衣個風氣真係唔要得. 又要馬兒好, 又要馬兒唔吃草!! 簡直就係荒謬!

員工並唔係上司既奴隸!!

但, 細心想一下, 管中窺豹, 問題並不只是在這裡.

朋友同我講, 到放工時間, 人人都唔走, 你都唔敢走. 心諗.... 陋習! 可悲, 局限於時勢裡, 又對自己失去信任, 不信任自己能打破陋習. 害怕被"炒" 亦是打工既一個心理關口. 一些冇創意既人, 害怕被炒, 或想紮職, 只懂得努力做, 超時做, 希望以努力証明自己既能力 (結果只能証明自己是一隻幾合適既狗), 而另一方面, 另一些冇創意既人, 眼見有隻狗咁努力, 擔心自己唔夠狗, 怕被上司炒, 所以不甘心, 不情願亦做了狗. 而狗之爭, 最後開心既, 只有上司.

如進一步推演, 不難發現, 員工士氣低落, 以至效率下降, 如果上司容許這種狗爭之事, 這上司只是一隻猪. 狗同猪打工, 都幾OK 喎!